Во случај на рекламации , Екупи Македонија ДООЕЛ постапува согласно Законот за заштита на потрошувачите (или согласно Законот за облигационите односи, доколку претставката е поднесена од правно лице). 
Кога поднесувате рекламација, Ве молиме контактирајте не преку е-пошта на  info@ekupi.mk .

Доколку имате било какви прашања во врска со текот на Вашата рекламација или Ви треба дополнително објаснување, можете да нѐ контактирате преку е-пошта, преку социјалните мрежи или да се јавите на 02 3202 900 за информации.
Нашето работно време е од Понеделник до Четврток од 08:00 до 16:30 часот и во Петок од 08:00 до 15:30 часот.

Подетални информации за Вашите права и Законот за заштита на потрошувачите можете да најдете на овој линк ЗАКОН ЗА ЗАШТИТА НА ПОТРОШУВАЧИТЕ , а Екупи Македонија ДООЕЛ секогаш ќе постапува само во согласност со Законот.

Доколку имате рекламација пред сѐ Ве молиме пополнете го образецот на овој линк ОБРАЗЕЦ ЗА РЕКЛАМАЦИЈА.

По испораката на нарачаниот производ, проверете дали производот пристигнал неоштетен. Рокот за поднесување рекламација за штета откриена по отстранувањето на пакувањето на производот е 24 часа од денот на приемот. 

Доколку забележите оштетување, т.е. ако уредот пристигнал скршен, изгребан, вдлабнат итн. Ве молиме веднаш испратете слики од уредот и пакувањето на info@ekupi.mk

Во прилог на сликите, Ве молиме наведете го времето кога е извршена испораката, како и бројот на малопродажната фактура на која сте го купиле производот.

Набрзо некој од нашите оператори ќе Ве контактира, ќе испратиме доставна служба да го преземе производот и Вашата рекламација и решавањето на истата ќе биде направена во најбрз можен рок.

Под поимот “техника“ спаѓаат следните категории: кујнски апарати за домаќинство, апарати за нега, греење и ладење (не вклучува клима уреди), компјутери, електроника, алати и електрични спортски производи.
Законската гаранција на техниката е наведена на секој производ на нашиот сајт.

Доколку пријавата на рекламација на уред/и од техника е во рок од 14 дена откако сте го нарачале производот, испратете ни број на малопродажната фактура по кој е купен производот, детален опис и слики од оштетувањето, како и адреса од каде би можеле да го преземеме производот (доколку адресата се разликува од наведената адреса на малопродажната фактура) на нашиот е-маил info@ekupi.mk, контактирајте нѐ на социјалните мрежи или на телефонскиот број 02 3202 900.
Во најкраток рок ќе испратиме курир да го преземе производот од Вашата адреса и да го достави кај нас во магацин. Ваша должност е пред да биде преземен производот навремено да биде спакуван и заштитен за да може безбедно да се донесе до нашиот магацин, и веќе наредниот ден ќе биде пратен во овластениот сервис. Штом овластениот сервис ќе изврши преглед и ќе даде одговор за рекламацијата веднаш ќе Ве известиме.

Доколку рекламацијата на произвотот е после 14 дена од нарачувањето на истиот, најдобро би било директно да го контактирате овластениот сервис и да ги следите нивните инструкции. Листата на овластени сервисери по категории погледнете ја овде.

Рекламација на бела техника или клими е најефикасно и најбрзо да поднесете директно во овластениот сервис. На гарантниот лист кој сте го добиле заедно со производот, се наоѓа список на овластени сервисери за тој бренд и нивни контакт телефони и адреси, или доколку не можете да најдете контакт од овластениот сервисер, погледнете ја листата на овластени сервисери по категории овде.

Овластениот сервис ќе прати сервисер на Вашата адреса, бидејќи е неопходно сервисерот да утврди дали производот е правилно монтиран, како би дознал која е причината за проблемот.

Затоа доколку имате рекламација за клима, најдобро е да го контактирате монтерот кој првично Ви ја монтирал климата.

Доколку сервисерот утврди дека не може да се поправи уредот, сервисот треба да организира преземање на уредот од Вашата адреса и Ви испорачува заменски уред - доколку има достапен сличен модел на претходниот, или доколку не Ви одговара понудениот заменски уред  Ве информаира на кој начин ќе Ви бидат вратени средствата.

Доколку пријавата на рекламација на уредот од бела техника е во рок од 14 дена откако сте го нарачале производот, испратете ни број на малопродажната фактура по кој е купен производот, детален опис и слики од рекламацијата, како и адреса од каде би можеле, доколку е потребно, да го преземеме производот (доколку адресата се разликува од наведената адреса на малопродажната фактура) на нашиот е-маил info@ekupi.mk, контактирајте нѐ на социјалните мрежи или на телефонскиот број 02 3202 900.
Во најкраток рок ќе го контактираме овластениот сервис за да испратат сервисер на Вашата адреса за да изврши увид, како би дознал која е причината за проблемот. Штом овластениот сервисер ќе изврши преглед и ќе даде одговор за рекламацијата веднаш ќе Ве известиме која би била процедурата. Согласно Закон рекламацијата потребно е да биде решена во рок од 30 дена.

Рекламација на автомобилски гуми можете да извршите само доколку штетата на гумите е настаната фабрички, односно Ви се доставени веќе фабрички неисправни. За да пријавите рекламација потребно е да ни испратите детален опис и слики од оштетувањето, број на малопродажната фактура по кој е купен производот и адреса од каде би можеле да ги преземеме гумите (доколку адресата се разликува од наведената адреса на малопродажната фактура) на нашиот е-маил info@ekupi.mk, контактирајте нѐ на социјалните мрежи или на телефонскиот број 02 3202 900.

Доколку гумите се оштетени од Ваша страна или од страна на Вашиот вулканизер поради невнимание, рекламацијата нема да биде прифатена и тоа оштетување не подлежи под гаранцијата.

Доколку откако сте ги нарачале, платиле и сте ги запримиле гумите, и во рок од 24 часа пријавите дека сте нарачале погрешна димензија, истите можете да ги испратете во нашиот магацин и ќе Ви бидат заменети со точната димензија.
Доколку гумите кои сте ги нарачале, платиле и сте ги запримиле и после 14 дена сте приметиле дека димензиите на гумите кои сте ги нарачале не се соодветни за Вашето возило поради претходно невнимание, во тој случај не сте во можност да ги вратите гумите.
Доколку запримените гуми кои веќе се монтирани на бандаш, и да не се возени не е возможно да бидат вратени.

Доколку сакате да ги рекламирате веќе монтираните гуми бидејќи не сте незадоволни поради некои причини, во тој случај гумите со се бандаш целосно се носат кај добавувачот на тој бренд на гуми. Сите добавувачи, нивните контакт телефони и адреси по категории погледнете ги овде.